«Ливерпул» бош мураббийи Арне Слот Муҳаммад Салоҳнинг жамоада қолишига умид қилишини айтди.

«Салоҳ жуда яхши ўйнашда давом этса, янада қадрли бўлади.

Агар у яхши ўйнамаганида, у билан шартномани узайтиришни хоҳлаймизми, деб ўйлаган бўлардик.

У биз билан келишувни узайтиришига умид қиламан», — дея нидерландиялик мураббийнинг сўзларини келтиради инсайдер Фабрицио Романо

Мисрлик 32 ёшли вингер бу мавсум «Ливерпул» сафида 38 ўйинда ўз ҳисобига 30 та гол ва 21 та ассист ёздириб қўйди. Унинг «қизиллар» билан шартномаси 2025 йилнинг ёзигача мўлжалланган.