«Реал» ва «ПСЖ» клублари «Барселона»нинг 17 ёшли вингери Ламин Ямалга қизиқиш билдиришди.

Журналист Ферран Мартинесга кўра, испаниялик футболчининг агенти Жорже Мендеш «Реал» ва «ПСЖ»га жавобан уларда ҳеч қандай имконият йўқлигини айтган.

Аввалроқ Каталония клуби Ямал билан шартномани 2030 йилгача узайтириш бўйича келишиб олгани ҳақида хабарлар тарқалганди.

Ямал бу мавсум Ла Лигада 22 ўйинда ўз ҳисобига 5 та гол ва 11 та ассист ёздириб қўйди.