Лионел Мессидан дастхат сўраган ҳакам қандай жазо олгани маълум бўлди. 

«Интер Майами» КОНКАКАФ чемпионлар кубоги 1-раундида сафарда «Канзас Сити»ни (1:0) аргентиналик ҳужумчининг голи эвазига мағлуб этганди. Ўйиндан кейин ҳакам Марко Антонио Ортис Нава ногирон қариндошининг илтимосига кўра Мессидан унинг дастхати туширилган либос сўраган. 

Шундан сўнг мексикалик ҳакамга интизомий чора кўрилгани хабар қилинганди.

ESPNʼнинг ёзишича, Ортис 6 ой давомида КОНКАКАФ миқёсидаги турнирлардан четлатилди. Мексика чемпионатида эса ишлашни давом эттириши мумкин.

Агар яна шундай ҳолат такрорланса, ҳакам футболдан узоқ муддатга дисквалификация қилинади.