ЎФА Футболчилар мақоми ва ўтиши бўйича қўмита қишки трансфер ойнаси ёпилишига 22 соат вақт қолганида «Навбаҳор» футбол клубига қўйилган янги футболчиларни Лига рўйхатидан ўтказиш бўйича тақиқни олиб ташлади. 

Расмий хатда баён қилинишича, Наманган вилояти ҳокими Шавкат Абдураззоқов мавжуд қарздорликни 1 июлгача тўлиқ бартараф этиш юзасидан кафолат берган. Қўмита эса қарздорлик 24 апрелгача бартараф этилишини таъкидлаган.

Маълумот учун, ОФК клубларни лицензиялаш жараёнининг асосий мезони қарздорликни ўз вақтида бартараф этиш ҳисобланади. Шундан келиб чиқиб, «Навбаҳор» қарздорликни 1 июл ёки 24 апрел санасида эмас, балки 29 мартга қадар бартараф этиши лозим. Акс ҳолда клуб ОФК лицензиясини қўлга кирита олмайди. ПФЛ ЎФА қўмитасининг қарори асосида «Навбаҳор» клубига MyLeague платформасини очиб беради.