«Динамо» клуби ўз таркибини тожикистонлик футболчи билан кучайтирди.

«Самарқанд клуби Тожикистон миллий жамоаси ҳимоячиси Манучеҳр Сафаров билан бир йиллик шартнома имзоланганини маълум қилади. 23 ёшли футболчи ўтган мавсумни Фарғонанинг «Нефтчи» клубида ўтказиб, Суперлигада 23 ўйинда битта гол ва 3та голли узатмага муаллифлик қилган. Шунингдек, Қатардаги Осиё кубогида миллий жамоаси билан чоракфиналгача етиб борди.

Манучеҳр 2020 йилда «Хўжанд» сафида ОФК кубогида тўп сурган, 2021 йилда Душанбенинг «Истиқлол» клубида Осиё Чемпионлар лигасида 6 ўйинда 2та голга муаллифлик қилган. Сўнг Эрон чемпионатида ҳам бир муддат «Персеполис» клуби шарафини ҳимоя қилган. 2022 йил ярмида «Локомотив»га ўтиб, 2023 йил якунигача жамоа шарафини ҳимоя қилган. 2024 йилда эса «Нефтчи» билан Суперлигада мавсумни 5-ўринда якунлади.

Ишонамизки, Манучеҳр «Динамо»даги ўйинлари билан самарқандлик мухлислар меҳрини қозона олади. Хуш омадед, Манучеҳр!», - дейилади клуб хабарида.