Карло Анчелотти Арда Гулернинг ҳимояланишдаги ҳаракатларидан норози. 

Relevo'нинг ёзишича, италиялик мутахассис 19 ёшли яримҳимоячининг ўз устида ишлашидан қониқмаяпти ва ундан ҳимояланиш борасида янада кучайишни талаб қилмоқда.

Анчелотти аллақачон бу борада Гулерга ўз фикрини аниқ тушунтирган. Таъкидланишича, туркиялик футболчи ҳимояланиш маҳоратини яхшилайди. 

Эҳтимол, бу — Гулернинг сўнгги 5 ўйинда майдонда тушмаганининг сабабидир. У охирги бор Испания Кубоги 1/4 финалида «Леганес»га (3:2) қарши ўйнаган. 

Гулер бу мавсумда Ла Лигада 16 та ўйин ўтказиб, 1 гол урди ва 3 голга ассистентлик қилди.