Муҳаммад Салоҳ собиқ устози Юрген Клопп билан ҳозирги муносабатлари ҳақида гапирди. 

«Ҳозир Юрген Клопп билан аввалгидан ҳам кўпроқ мулоқот қиляпман. Сўнгги бир неча ой ичида кўп хабарлашдик.

У оилам ҳақида сўради ва мени финалга чиққанимиз (Лига Кубогида) билан табриклади. У яна қачон бу ерга келишини ҳам айтди», — дея «Ливерпул» вингерининг сўзларини келтиради Sky Sports.

Эслатиб ўтамиз, Клопп 2015-2024 йиллар давомида «Ливерпул»ни бошқарган ва сўнгги мавсумида мисрлик футболчи билан кичик зиддиятга борганди.