«Нефтчи» янги мавсумга тайёргарлик доирасида Анталиядаги сўнгги ўртоқлик баҳсларини ўтказди. 

Фарғона клуби 23 феврал куни кундузи Молдованинг «Милсами» жамоасини Тома Табатадзенинг голи эвазига мағлуб этган бўлса, кечки пайт Қозоғистоннинг «Ордабаси»сидан жавобсиз 3 та тўп ўтказиб юборди.

Шу тариқа «Нефтчи» Туркиядаги икки босқичли йиғинни якунлади. Жамоа жами 12 та назорат ўйинида майдонга тушиб, 7 ғалаба, 4 дуранг ва 1 мағлубият қайд этди. 

Ўртоқлик ўйини. 23 феврал. Анталия

Нефтчи — Милсами 1:0

Гол: Тома Табатадзе (51). 

Нефтчи — Ордабаси 0:3

Голлар: Зикрилло Султаниязов, Муроджон Халматов, Султанбек Астанов.