Муҳаммад Салоҳнинг сўзларига кўра, ундан кўра Ҳоланднинг гол уриши осонроқ.

«Ҳоланд билан таққослашлари? Уни ҳурмат қиламан. Биз охирги ўйиндан кейин бир марта гаплашдик. Аммо Эрлинг — ҳужумчи, шунинг учун унинг иши осонроқ.

Албатта, мен унга энг яхши нарсаларни тилайман. Лекин унинг иши осонроқ, чунки у ҳужумда ўйнайди. Вингерларга эса жуда қийин. Буни ҳар қандай ҳужумчи тасдиқлайди. Шунинг учун мен орамизда фарқ борлигини кўраман, у ҳужумчи ва мен вингерман», — дея мисрлик футболчининг сўзларини келтиради Sky. 

Бу мавсумда АПЛда «Ливерпул» вингери Салоҳ 26 ўйинда 24 гол уриб пешқадамлик қилмоқда, «Ман Сити» ҳужумчиси Ҳоландда эса 25 та баҳсда 19 гол бор.