Пеп Гвардиола бир мавсумдаги мағлубиятлар сони бўйича энг ёмон мавсумини ўтказмоқда. 

«Манчестер Сити» ЕЧЛ 1/8 финалига ўтиш босқичининг жавоб баҳсида «Реал»га (1:3) имкониятни бой берди. 

Натижада 2024/25 йилги мавсумда «шаҳарликлар»нинг барча турнирлардаги мағлубиятлари сони 13 тага етди. Бу — испаниялик мутахассис учун антирекорд. 

Бунгача Гвардиоланинг энг ёмон натижаси 2019/20 йилги мавсумга тўғри келганди ва ўшанда унинг жамоаси мавсумда 12 бор мағлубиятга учраганди.