«Манчестер Сити» бош мураббийи Хосеп Гвардиола ЕЧЛ ўтиш босқичи доирасидаги «Реал» (1:3, биринчи ўйин — 2:3) билан баҳсдан сўнг ўз фикрларини билдирди. 

«Биринчи хавфли эпизоддаёқ тўп ўтказиб юборганимиздан сўнг вазифа янада қийинлашди. Энг яхши жамоа ғалаба қозонганини тан олишимиз керак, шунинг учун «Реал»ни табриклаймиз. Энди Премер-лигага эътибор қаратамиз.

«Реал» — кейинги босқичга чиқишга лойиқ бўлган фантастик жамоа. Биз муносиб эмасдик, чунки биринчи марта Чемпионлар Лигасида яхши мавсум ўтказа олмадик. Буни қабул қилишимиз ва кейинги мавсумда яна шу ерда бўлишга ҳаракат қилишимиз керак.

Албатта, «Реал» — турнир ғолиблигига даъвогарлардан бири, аммо бошқа яхши жамоалар ҳам бор», — дея испаниялик мутахассиснинг сўзларини келтиради ВВС.