«Аталанта» ҳужумчиси Адемола Лукман жамоа бош мураббийи Жан-Перо Гасперини уни ОАВ олдида танқид қилганидан норози. 

ЕЧЛ ўтиш босқичидаги «Брюгге» (1:3) билан баҳсдан сўнг бергамоликлар устози нигериялик футболчини пеналтидан фойдалана олмагани учун танқид қилганди: «Лукман — мен кўрган энг ёмон пеналтичилардан бири. У ҳатто машғулотларда ҳам ёмон статистикага эга. Ретеги ва де Кетеларе майдонда эди. Мен буни қабул қила олмайман». 

«Мен шундай кунда бу баёнотни ёзишдан хафаман — аввало, жамоа ва шаҳар сифатида эришган ютуқларимиз туфайли.

Мураббийнинг муносабати нафақат мен учун оғир бўлди, бу жуда ҳурматсизликдек туюлди. Айниқса, мен ҳар куни клуб ва Бергамонинг ажойиб мухлисларини хурсанд қилиш учун қилган меҳнатим ҳамда кўрсатган садоқатимдан кейин.

Ақл бовар мухлисларимиз сингари жамоа ҳам натижадан хафа бўлди. Жамоадошларим мендан пеналтини амалга оширишимни сўради ва жамоани қўллаб-қувватлаш учун жавобгарликни ўз зиммамга олдим. 

Ҳаёт синов ва оғриқлардан иборат. Уларга қарши курашишда давом этаман», — деб ёзди Лукман «твиттер»даги саҳифасида. 

Фабрицио Романо хабарига кўра, ушбу келишмовчилик сабаб ҳужумчи ёзда «Аталанта»ни тарк этади.