«ПСЖ» бош мураббийи Луис Энрике жамоасининг ЕЧЛ 1/8 финалига чиққани ҳақида гапирди. 

«Умумий босқич биз учун адолатсиз бўлди. 5 очко кўпроқ тўплашимиз ва биринчи саккизликда бўлишимиз керак эди. Қийин йўлга тушиб қолдик. Аммо бу бизга кучлироқ бўлишга ва плей-офф ўйинларига тайёргарлик кўришга ёрдам берди. Умумий босқичдаёқ «Атлетико», ПСВ, «Арсенал», «Ман Сити» билан ўйинлар... Биздан кўра қийинроқ тақвимга эга жамоа йўқ эди деб ўйлайман.

— 1/8 финалда «Ливерпул» ёки «Барселона»нинг қай бири билан ўйнашни афзал кўрасиз?

— Ҳа, ўз истагим бор. Менга иккала вариант ҳам ёқмоқда. 

— Хвичанинг ўйинини қандай баҳолайсиз?

— Шубҳасиз, топ-футболчи. Мен доим айтаманки, қишда таркибни кучайтириш учун вариант топиш қийин. У шерикларига мослашиши керак. Шубҳасиз, Хвича ўз даражасини кўрсатишни, жамоага ёрдам беришни хоҳлайди. Бизга «ПСЖ»да шундай менталитетга эга футболчилар керак», — дея испаниялик мутахассиснинг сўзларини келтиради AS.

Париж клуби нимчоракфиналда «Барселона» ёки «Ливерпул»га рўбарў бўлади. Рақиб 21 феврал кунги қуръада аниқланади.