«Милан» бош мураббийи Сержиу Консейсау ЕЧЛ ўтиш босқичидаги «Фейеноорд» (1:1, биринчи ўйин — 0:1) билан баҳсдан сўнг ўз фикрларини билдирди. 

«Катта муваффақиятсизлик. 1/8 финалга чиқишни хоҳлагандик. Ўйин биз рақибдан кучлироқ эканлигимизни кўрсатди, лекин «Динамо Загреб» билан баҳсдаги каби эпизодлар ҳал қилди: четлатиш. Айтиш мумкинки, ҳакам (Шимон Марчиняк) жуда қаттиққўл эди, аммо биз психологик жиҳатдан барқарор бўлишимиз керак.

Тео эмас, мен жавобгарман. У «Милан»га жуда кўп нарса берган. 

Ғазабдамиз. «Фейеноорд» четлатишгача дарвозамизга қандай яқинлашишни билмаётганди. 

Хименеснинг алмаштирилиши? Камчиликда қолдик ва у мушаклар билан боғлиқ муаммога дуч келди, шунинг учун унинг ўйин вақти чекланди. Мен Жоау Феликсни олдинга чиқардим ва у ўйинни назорат қилишга уринди», — дея португалиялик мутахассиснинг сўзларини келтиради TuttoMercatoWeb.