«Бавария» бош мураббийи Венсан Компани ЕЧЛ ўтиш босқичидаги «Селтик»ка (1:1, биринчи ўйин — 2:1) қарши баҳсдан сўнг ўз фикрлари билан ўртоқлашди. 

«Қийинчилик билан дурангга эришдик. Ўйлайманки, бизда иккинчи бўлимда 2-3 та гол уриш имконияти бор эди.

Контекст муҳим: сўнгги 6 кун ичида кўп куч сарфладик. Натижа яхши: Бундеслигада 8 очколик фарқни сақлаб қолдик ва Чемпионлар Лигасида 1/8 финалга чиқдик. Энди тикланишга вақтимиз бўлади.

Албатта, биз ҳар доимгидек доминантлик қилишни ва рақибдан, айниқса, «Алянц Арена»да устун бўлишни хоҳлаймиз. Аммо натижа ҳар доим бирламчи ҳисобланади.

Биз ушбу ўйиндан сабоқ оламиз. Айтганимдек, контекстга қарашимиз керак, биз жуда кўп ўйнадик. 3 кун аввал «Байер» (0:0) билан курашдик, 6 кун олдин эса «Селтик» майдонида муҳим ғалабани қўлга киритгандик», — дея белгиялик мутахассиснинг сўзларини келтиради Bayern Germany.