Пеп Гвардиола футболчилари билан ҳакамларни муҳокама қилмаслигини айтди. 

«Ҳеч қачон демайман, лекин мен камдан кам ҳолларда футболчиларим билан ҳакамларни муҳокама қиламан.

Баъзан ўтган воқеаларни бир неча кун давомида унутишнинг иложи бўлмайди, чунки у ОАВда ва кийиниш хонасидаги атмосферада сезилади. Аммо кўпинча мен бўлажак ўйинимизни ким бошқаришини ҳам билмайман. 

«Реал»га қарши ўйин олдидан ҳам жамоа билан ҳакамлар ҳақида гаплашмадик», — дея «Манчестер Сити» бош мураббийининг сўзларини келтиради ESPN. 

Эслатиб ўтамиз, бугун 19 феврал куни «Сити» ЕЧЛ ўтиш босқичида «Реал» меҳмони бўлади. Манчестердаги баҳсда Мадрид клуби 3:2 ҳисобида ғалаба қозонган.