«Аталанта» бош мураббийи Жан-Перо Гасперини шогирди Адемола Лукманни танқид қилди.

18 феврал куни бергамоликлар ЕЧЛ ўтиш босқичида «Брюгге»га ютқазишди (1:3, биринчи ўйин — 1:2) ва турнирни тарк этишди. Беллашувнинг 61-дақиқасида нигериялик ҳужумчи пеналтидан фойдалана олмади.

«Лукман тўпга яқинлашмаслиги керак эди. У — мен кўрган энг ёмон пеналтичилардан бири. У машғулотларда ҳам камдан кам гол уради.

Ретеги ва Де Кетеларе майдонда эди, аммо Лукман ўйиндан гол урганидан сўнг иштиёқи жўшиб, пеналтини тепишга қарор қилди. Бу мен қабул қила олмайдиган ҳолат бўлди», — дея Гасперининг сўзларини келтиради TuttoMercatoWeb.