«Аталанта» жамоа бош мураббийининг требл ҳақидаги ҳазилидан кўп ўтмай муваффақиятсизликка учради.

18 феврал куни бергамоликлар ЕЧЛ ўтиш босқичида «Брюгге»га ютқазишди (1:3, биринчи ўйин — 1:2) ва турнирни тарк этишди. 

Эътиборлиси, 30 январ куни бош мураббий Жан-Перо Гасперини «Аталанта» ЕЧЛ, А Серия ва Италия Кубогини ютиб, треблга эришмоқчилиги ҳақида гапирганди: «Бизга ЕЧЛ ёқади. Мақсад — нафақат уни ютиш, треблга эришиш». 

67 ёшли мутахассиснинг ҳазилидан 5 кун ўтгач бергамоликлар Италия Кубоги 1/4 финалида «Болоня»га (0:1) мағлуб бўлди ва энди Чемпионлар Лигаси билан хайрлашди. «Аталанта»да фақат А Серия қолмоқда ва жамоа лигада пешқадам «Наполи»дан 5 очкога ортда қолиб, 3-ўринда бормоқда.