«Барселона» бош мураббийи Ҳанси Флик Ла Лига 24-туридан ўрин олган «Райо Валекано»га (1:0) қарши ўйиндан кейин ўз фикрлари билан ўртоқлашди.

Ғалабадан сўнг Каталония клуби очколарини 51 тага етказиб, 1-ўринга кўтарилди. 

«Кучли рақибга қарши жуда қийин ўйин. Хурсандмиз. Ўйинчилар жуда мамнун. Хавотирга солган вазиятлар ҳам бўлди. Ўйлайманки, бугун жуда яхши ўйнадик, лекин кўпроғига қодирмиз.

Улар 9 та ўйинни мағлуб бўлмасдан ўтказишганди ва менимча, бугунги ўйин биз учун катта ютуқ бўлди. 1-ўринга кўтарилдик ва бу — мухлислар учун яхши янгилик. Биз қайтдик ва бундан жуда хурсандмиз.

Рақибнинг бекор қилинган голида эпизодни қайта кўрмадим. VAR бор эди ва мен унга ишонаман. Баҳсли лаҳзалар ҳақида фақат шуни айта оламан», — дея германиялик мутахассиснинг сўзларини келтиради Marca.