«Ливерпул» бош мураббийи Арне Слот АПЛ 25-туридан ўрин олган «Вулверҳэмптон»га (2:1) қарши ўйиндан сўнг ўз фикрлари билан ўртоқлашди. 

«Иккинчи бўлим психологик томондан қийин бўлди, чунки биз учинчи голни урдик деб ўйладик. 

Рақиб яхшироқ ўйнади. Биз характеримизнинг бошқа томонимизни намойиш этишимиз керак эди ва ўйинни ғалабагача олиб бордик.

Биз жуда кўп чиройли ўйинлар ўтказдик. Лекин агар соврин ютмоқчи бўлсангиз, қийин ўйинларда ҳам ёмон ўйнаб бўлса-да, ғалаба қозонишингиз керак. Чоршанба куни ғалабага яқин келдик ва бугун эса мақсадимизга эришишга муваффақ бўлдик.

Сўнгги йилларда кураш асосан икки жамоа ўртасида кечди. Айни пайтдаги вазият ҳам шундай. Чемпионлик эҳтимол биз ва «Арсенал» ўртасида ҳал қилинади. «Тўпчилар» 15 та турдан бери ютқазишмаяпти. Биз ушбу серия олдидан улардан 7 очко олдинда эдик ва ҳамон фарқ шундай. Бу нафақат уларнинг, балки бизнинг ҳам қанчалик яхши эканлигимизни кўрсатади», — дея нидерландиялик мутахассиснинг сўзларини келтиради ВВС.