Элит Осиё чемпионлар лигаси 8-тури доирасидаги «Пахтакор» — «Ас Садд» (2:1) ўйинидан сўнг меҳмонлар бош мураббийи Феликс Санчес Бас ўз фикрларини билдирди. 

«Ўйинни қийинчилик билан бошладик, аммо кейинчалик ўзимизга келиб олдик. Ҳисобни ҳам тенглаштирдик. Қизил карточкадан сўнг қийин ҳолатга тушиб қолдик, етарлича таваккал қила олмадик. Энди кейинги ўйинларга тайёрланамиз.

— Плей-оффга чиқиб бўлган «Ас Садд»нинг бугунги иштиёқи қандай эди?

— 6-турдан сўнг плей-офф масаласини ҳал қилган эдик. Кучли рақибларга қарши ўйнашимзга қарамай, жадвални 4-5 ўринда якунлашимиз аниқ эди. Умуман олганда, бу босқични яхши ўтказдик.

— Об-ҳаво жамоангиз ўйинига таъсир ўтказмадими?

— Об-ҳаво ёки майдон мен учун ҳеч қачон баҳона бўла олмайди. Охиригача ҳаракат қилдик.

— «Пахтакор» сиз кутгандек ўйнадими?

— Катта сюрпризлар кўрмадим. «Пахтакор» «Ал Ғарафа»га қарши қандай ўйнаган бўлса, бугун ҳам шундай эди», — дея испаниялик мураббийнинг сўзларини келтиради Tribuna.uz мухбири.