«Арсенал» бош мураббийи Микел Артета АПЛ 25-туридан ўрин олган «Лестер»га (2:0) қарши ўйиндан сўнг ўз фикрлари билан ўртоқлашди.

«Муҳим ғалаба. Биз жароҳатлар фонида ҳамон курашда эканлигимизни кўрсатишимиз керак эди.

Биринчи бўлимда кескинлик етишмади. Шунингдек, кўп вазиятларда, айниқса, тўп билан ишлашда барқарор эмасдик. Иккинчи бўлимда вазиятни назорат қилиб, ғалаба қозонишга муваффақ бўлдик.

Мерино? У гол урди. У рақиб дарвозаси олдида таҳдид сола олади. Биз ҳужумда ўйнаганимизда, рақиблар чуқурроқ ҳимоялана бошлашади. Бундай шароитда Микел вазиятдан фойдалана олади деб ҳисобладик. Аммо бажаришдан кўра гапириш осон! 

Микел ҳеч қачон «тўққизлик» позициясида ўйнамаган. Аммо у хавфни олдиндан сезиб, вазиятни тушуна олади. У биз учун бу ўйинни ютиб берди», — дея испаниялик мутахассиснинг сўзларини келтиради ВВС.