Испания чемпионатининг 24-турида пешқадам «Реал» Памплонада «Осасуна»ни мағлуб этолмади. 

Мбаппенинг голига иккинчи бўлимда пеналтидан Будимир жавоб берди. Эътиборлиси, мадридликлар 39-дақиқада камчиликда қолишди — ҳакамга эътирози учун Беллингҳэмга тўғридан тўғри қизил карточка кўрсатилди.

«Реал» очколарини 51 тага етказди. Агар «Атлетико» (49) ва «Барселона» (48) ушбу турда ғалаба қозонса, Анчелотти жамоаси 3-ўринга тушиб кетади. «Осасуна» 32 очко билан 7-поғонага кўтарилди. 

Ла Лига. 24-тур
Осасуна — Реал 1:1
15 феврал, «Ас Садар»
Голлар: Будимир (58, пеналти) — Мбаппе (15).
Осасуна – Эррера, Хуан Крус (Бретонес, 59), Эррандо, Катена, Аресо (Пеня, 59), Орос, Торро, Монкайола (Муньос, 79), Сарагоса (Мойсес Гомес, 79), Рубен Гарсия, Будимир (Раул Гарсия, 87).
Реал – Куртуа, Фран Гарсия, Асенсио, Чуамени, Валверде, Беллингҳэм, Камавинга, Модрич, Диас (Родриго, 69), Винисиус, Мбаппе.
Огоҳлантиришлар: Аресо (48), Хуан Крус (52), Камавинга (57), Орос (73).
Четлатиш: Беллингҳэм (39).