«Манчестер Юнайтед» бош мураббийи Рубен Аморим АПЛ 25-туридан ўрин олган «Тоттенҳэм» билан ўйин олдидан ўз фикрларини билдирди. 

«Мен Постекоглунинг катта мухлисиман. Мен ва унинг ўртасида боғлиқлик борлигини тушунаман, иккаламизда ҳам бир хил муаммолар мавжуд. Аммо ҳурмат билан айтаманки, мен каттароқ клубда ва кўпроқ босимда ишлайман. 

Анже — жуда яхши мураббий, у футболни тўғри ўйнашни хоҳлайди. Ушбу касбни танлаш жуда яхши эканлигини биламиз, аммо кейин ғалаба қозона олмаганда босимни бошдан кечириш керак.

Мавсум охиригача ҳар бир баҳс — биз учун катта ўйин. Нима бўлишидан қатъи назар ютишимиз ва ўйин услубимизни яхшилашимиз керак.

Охирги икки кунгача яхши ҳафта ўтказдик. Ўйинчиларимиз тузалишмади, бир ёки икки муаммо бор, аммо кутамиз. Бизда касал бўлган ўйинчилар бор, шунинг учун якуний таркибни ҳафта охирида билиб оламиз», — дея португалиялик мутахассиснинг сўзларини келтиради ESPN.

«Тоттенҳэм» — «МЮ» ўйини 16 феврал куни бўлиб ўтади ва Тошкент вақти билан 21:30да бошланади.