«Ницца» Данте билан келишувни узайтирди.

41 ёшли ҳимоячи билан 2025/26 йилги мавсум сўнгигача мўлжалланган шартнома тузилди. Бу жамоа сардори учун Франция клубидаги 10-мавсум бўлади. 

Сўнгги турда «Ланс»га қарши баҳсдан (2:0) сўнг бразилиялик футболчининг «Ницца»даги ўйинлари сони 300 тага етди ва у клуб тарихида энг кўп майдонга тушган 10 футболчи қаторига кирди. 

Данте ўша ўйинда мухлислар кўз ўнгида шартномани узайтиришини шахсан эълон қилганди.

Бу мавсумда ҳимоячи Лига 1да 15 та ўйин ўтказди.