Германияда Фишер шахмати бўйича Freestyle Chess Grand Slam Weissenhaus мусобақаси якунига етди. 

Финалда Винсент Кеймер Фабиано Каруанани мағлубиятга учратиб, 200 минг АҚШ долларини ўзиники қилиб олди. 

Ўзбекистонлик шахматчилардан Жавоҳир Синдоров 3-ўрин учун кечган баҳсда Магнус Карлсенга, Нодирбек Абдусатторов эса 5-ўрин учун беллашувда Ҳикару Накамурага ютқазиб қўйди. 

Натижада Синдоров 4-ўринга 60 минг, Абдусатторов эса 6-поғона учун 40 минг доллар ишлаб олди.