Англия чемпионатининг 25-турида «Челси» сафарда «Брайтон»дан жавобсиз 3 та тўп ўтказиб юборди. Митома ҳисобни очган бўлса, Уэлбекнинг ассистларидан сўнг Минте дублга эришди. 

Эътиборлиси, «Брайтон» ўтган ҳафтада Лондон клубини Англия Кубогида ҳам мағлуб этганди (2:1). 

Ҳурцелер шогирдлари очколарини 37 тага етказиб, 8-ўринга кўтарилди. «Кўклар» ҳозирча 43 очко билан 4-поғонада.

АПЛ. 25-тур

Брайтон — Челси 3:0

14 феврал, «Амекс»

Голлар: Митома (27), Минте (38, 63).

Брайтон – Вербрюгген, Лэмпти, Минте (Аденгра, 89), Уэбстер, ван Ҳекке, Велтман, Митома, Ҳиншелвуд (Гомес, 74), Балеба (Айяри, 84), Рюттер (Жоао Педро, 73), Уэлбек (О`Райли, 84).

Челси – Йоргенсен, Кукуреля, Колуилл, Чалоба, Гюсто (Жеймс, 65), Фернандес, Кайседо (Дюзбери-Ҳолл, 65), Нету (Жорж, 65), Палмер, Мадуэке (Санчо, 21), Нкунку.

Огоҳлантиришлар: Кайседо (42), Фернандес (64), Минте (81).