Мануэл Аканжи жароҳати туфайли бир неча ҳафтани ўтказиб юборади. 

«Манчестер Сити» ҳимоячиси ЕЧЛ ўтиш босқичидаги «Реал» (2:3) билан ўйиннинг биринчи бўлими охирида мушакларидан жароҳатланди ва танаффусдан сўнг алмаштирилди. 

Инглиз клуби ҳали ҳам швейцариялик 29 ёшли футболчининг жароҳати жиддийлиги тўғрисида расмий баёнот бермади. Аммо The Timesʼнинг ёзишича, дастлабки текширувлар футболчи бир неча ҳафта ўйнай олмаслигини кўрсатган. 

Шу тариқа Аканжи Премер-лигада «Нюкасл» ва «Ливерпул» билан, ЕЧЛда «Реал»га қарши жавоб беллашувини ўтказиб юборади.