Бразилияда Лукас Пакетанинг сариқ карточкалари бўйича текширув давом этмоқда. 

Бразилия прокуратураси маълумотларига кўра, «Вест Ҳэм»нинг бразилиялик футболчиси 12 март куни Премьер-лига доирасидаги ўйинда акасининг туғилган кунига «сариқ карточка» совға қилишини таниши Бруно Лопесга маълум қилган. Натижада Лукаснинг укаси Матеус туғилган кунида катта пул ишлаб олиш учун акасининг «Вест Ҳэм» - «Астон Вилла» учрашувида ҳакам томонидан огоҳлантирилишига букмекерлик идораларда пул тиккан. 

Ваъда қилинганидек Пакета «Астон Вилла»га қарши учрашувнинг 70-дақиқасида Макгинни атайлаб йиқитиб, сариқ карточка олган. Бу эса акасига «совға» бўлган.

O Globo нашрига кўра, Пакета узоқ муддатга футболдан дисквалификация қилишини мумкин. 

Эслатиб ўтамиз, 2024 йилнинг сентябр ойида Англия Футбол Ассоциацияси (FA) Лукас Пакетани «ўйинлар натижасига таъсир этганликда» расман айблаганди. Яримҳимоячининг  2022 йилнинг августидан 2023 йилнинг ноябр ойигача бўлган муддатда АПЛ ўйинларида олган тўртта сариқ карточкаси шубҳаларга сабаб бўлган. 

Daily Mail маълумотларига кўра, футболчининг Бразилиядаги 60 нафардан ортиқ дўстлари, танишлари ва оила аъзолари Пакетанинг ўйинларида 7 фунтдан 400 фунтгача бўлган миқдорда пул тикиб, шу орқали маблағ ишлаб олган.