Бенжамин Менди фаолиятини Швейцарияда давом эттиради. 

2024 йил май ойидан бери ўйнамаётган 30 ёшли ҳимоячи «Лорян»дан «Цюрих» клубига ўтди ва янги жамоаси билан 2026 йил ёзигача мўлжалланган шартнома имзолади. 

Эслатиб ўтамиз, Менди «Монако» ва «Манчестер Сити»даги ўйинлари билан танилган. У 2021 йил зўрлашда айбланиб, футболдан дисквалификация қилинган ва икки йил ўтиб оқланганди.

Ҳимоячи 2018 йил Франция сафида жаҳон чемпионлигини қўлга киритган.