Кай Ҳавертц бу мавсумда бошқа ўйнамайди.

«Арсенал» ҳужумчиси Дубайдаги машғулотларда сонининг орқа қисмидан жароҳат олди. 

The Athleticʼнинг нинг ёзишича, германиялик 25 ёшли  футболчи мавсум охиригача сафдан чиқди. Операция керак-керакмаслиги ҳозирча аниқ эмас. Кай эътиборини 2025/26 йилги мавсум стартигача тикланишга қаратади. 

Бу мавсумда Ҳавертц барча турнирларда 34 ўйин ўтказиб, 15 та гол ва 5 та ассистни ўз ҳисобига ёздириб қўйганди. 

Эслатиб ўтамиз, бунгача Лондон клуби ҳужум чизиғининг асосий вакиллари — Габриэл Жезус, Букайо Сака ва Габриэл Мартинелли ҳам жароҳат олганди.