«Реал» вингери Родриго ўзига Саудия Арабистони клубларидан қизиқиш бор ёки йўқлигини билмаслигини айтди.

«Бошқа клублардан таклифлар бор ёки йўқлигини билмайман. Буни агентим бўлган отам билсалар керак. Мадридда эканлигимдан бахтиёрман ва бу ерда узоқ вақт қолишни истайман», — дея бразилиялик футболчининг сўзларини келтиради Marca.

24 ёшли футболчининг мадридликлар билан амалдаги шартномаси 2028 йилнинг ёзигача мўлжалланган.

Аввалроқ Родригога «Ал Ҳилол» қизиқиш билдиргани айтилганди.