«Брест» бош мураббийи Эрик Рой ЕЧЛдаги «ПСЖ» билан ўйинлар қанчалик қийинлиги ҳақида гапириб, ҳазиллашди.

Жамоа 11 феврал куни УЕФА Чемпионлар Лигаси 1/8 финалига ўтиш босқичида парижликларни қабул қилади. Жавоб беллашуви 19 февралда ўтказилади. 

«Агар биз рақиблар учун мураккаб жамоа бўлсак, «ПСЖ» ҳақида нима дейишимиз мумкин? Фарқ? Шунчаки бюджетларга қаранг — биз турли дунёдамиз. Албатта, сиз бундай жамоага қарши ўйнаб, ўзингизни исботламоқчи бўласиз. 

Мен «Нант» билан ўйиндан кейин ҳам айтдим — биз имконсиз вазифага киришдик. Айтганча, Том Круз («Бажариб бўлмас топшириқ» филми бош қаҳрамони) Парижда экан. У билан боғланишга ҳаракат қилдик, лекин жавоб бермади. 

Биз учун бу — жуда мураккаб ўйин ва икки баҳс бир ўйинга қараганда анча қийин. Аммо биз майдонга амбициялар билан тушамиз, ўйиннинг бир қисми бўлишга ҳаракат қиламиз», — дея Ройнинг сўзларини келтиради RMC Sport.