«Бенфика» футболчилари Александер Ба ва Ману Силва жароҳатлари туфайли узоқ вақтга сафдан чиқишди. 

8 феврал куни Лиссабон клуби Португалия чемпионатининг 21-турида «Морейренси»ни (3:2) мағлуб этди. 

Беллашувда мезбонларнинг икки ўйинчиси 4 дақиқа ичида жиддий жароҳат олди. 33-дақиқада 27 ёшли ҳимоячи Александр Ба, 37-дақиқада 23 ёшли яримҳимоячи Ману Силва алмаштирилди. 

Текширувларга кўра, ҳар икки футболчининг чап тизза хочсимон пайлари узилган. 

Клуб Ба ва Силванинг бу мавсумда бошқа ўйнай олмаслигини маълум қилди.