«Реал» ҳужумчиси Килиан Мбаппе гол+пас тизимида 500 очко тўплаган тарихдаги энг ёш футболчига айланди. 

«Атлетико»га (1:1) қарши Испания чемпионатининг 23-тур баҳсида франциялик футболчи жамоасининг ягона голига муаллифлик қилди. 

Мбаппе 2024 йил ёзидан бери «Реал»да ўйнаяпти. 26 ёшли форварднинг мадридликлар билан шартномаси 2029 йилгача мўлжалланган. 

Бу мавсумда Килиан 34 та ўйинда иштирок этиб, 22 та гол ва 3 та ассистни ўз ҳисобига ёздириб қўйди.

Аввалроқ Мбаппе Франциянинг «Монако» ва «ПСЖ» клубларида ўйнаган.