«Барселона» бош мураббийи Ҳанси Флик Испания Кубоги 1/4 финалида «Валенсия» (5:0) устидан қозонилган ғалабадан сўнг ўз фикрлари билан ўртоқлашди. 

«Ўйинимиздан жуда мамнунман.
Жуда яхши бошладик ва кўп вазиятлар яратдик.

Бу — биз кўришни истаган ўйин услуби. Мен жамоадан жадаллик билан ўйнашни ва вазиятлар яратишни сўрайман. Биз ёш жамоамиз, ғалабаларга жуда очмиз.

Жамоа кўп гол уришга интилмоқда. Бу — бизнинг услубимиз ва футбол ҳақидаги тушунчамизнинг бир қисми. Бу — бизнинг йўлимиз. Баъзида мен футболчилардан ўйиннинг сўнгги дақиқаларида янада хотиржам бўлишларини сўрашим керак.

Шесни? У бизга хотиржамлик ва ишонч беради. Ажойиб футболчи. Бугун у тўп ўтказмади ва бу жуда муҳим. 

Педри? У ҳақда кўп гапиришни хоҳламайман. У — ажойиб ўйинчи ва шубҳасиз ўз позициясида энг яхшиси. У ҳақиқатан ҳам футбол ўйнашни яхши кўради», — дея германиялик мутахассиснинг сўзларини келтиради Marca.