Криштиану Роналду профессионаллик борасида футболни ўзгартирганига ишонади.

«Футболни ўзгартирганимни жуда яхши тушунаман. Айниқса, жисмоний томондан тикланиш нуқтайи назаридан. Бу жуда муҳим, бу — менинг фалсафам. Мен кўплаб футболчиларнинг фикрлашини ўзгартирдим.

Фаолиятимда футбол борасида ўз максимал талабларига эга кўплаб мураббийлар билан ишлаганман. Ҳозир ўйинлар сони кўплиги ҳақида тортишувлар мавжуд ва бу жуда қийин. Саудия Арабистонида мен Европага қараганда кўпроқ ўйнайман.

Албатта, ҳаётдаги ҳамма нарсада омад фактори бор, аммо уни қидириш керак. Ечим — камроқ шуғулланиш, аммо маълум машқларга эътибор қаратиш. Мен ҳозир 20 ёшли футболчи каби тиклана олмайман», — деди «Ан Наср» ҳужумчиси журналист Эду Агиррега берган интервюсида.