«Барселона» собиқ ҳимоячиси Жерар Пике «Реал» клубининг Ла Лигадаги ўйинларда ҳакамлик устидан шикоят қилгани ҳақида фикрини билдирди.

Мадридликлар «Эспанёл»га қарши ўйиндан (0:1) кейин Испания футбол федерациясидан ҳакамлар қўмитаси тизимини тўлиқ янгилашга чақирганди.

«Реал» баёноти – бу вазиятда чанг кўтариш, улар қарийб 120 йилдирки нимадир нотўғри кетса, шундай қилишади. Биз бунга кўникиб ҳам кетдик.

«Барса» тарихидаги энг яхши ўйин «Реал» устидан қозонилган 6:2 ҳисобидаги ғалаба саналади. «Реал» тарихидаги энг яхши гол эса офсайддан урилган (Предраг Миятовичнинг «Юве» дарвозасига урган голи, ЕЧЛ-1997/98), аммо ўшанда улар ҳеч қандай баёнот билан чиқишмаган», - дейди Каталония клубининг собиқ ҳимоячиси.