Криштиану Роналду «Реал» ҳужумчиси Килиан Мбаппенинг марказий ҳужумчи сифатида ўйини ҳақида фикрини билдирди.

«Марказий ҳужумчи нуқтаси Мбаппе учун бироз қийинчилик туғдираяпти. Фикримча, у бу чизиқда ўйнашни яхши билмайди... Бу Мбаппенинг буни қила олмаслигидан эмас, балки бу унинг позицияси эмаслигидан.

Агар мен «Реал»да бўлганимда, уни марказий ҳужумчи позициясида қандай ўйнашни ўргатардим. Чунки мен ҳам бошида якунловчи ҳужумчи эмас эдим. Ҳужумчи сифатида ўйнашга кўникканман. Илгари қанотда ўйнаганман, лекин кўпчилик буни унутмоқда.

Килиан одатий ҳужумчилардек бўлмаслиги керак. Унинг ўрнида бўлганимда, Криштиану Роналду марказий ҳужумчи сифатида ўйнагани каби ўйнаган бўлардим», — деди португалиялик футболчи Эду Агиррега берган интервюсида.