«Бавария» ҳужумчиси Матиас Тел «Тоттенҳэм»га ўтишни истамади.

Инсайдер Фабрицио Романога кўра, франциялик 19 ёшли ҳужумчи бўйича Мюнхен клуби Лондон жамоаси билан 60 миллион евролик келишувга яқин турганида Матиас «Тоттенҳэм»га ўтмаслигини маълум қилган.

Қайд этилишича, «Тоттенҳэм» унинг ўрнига бошқа ҳужумчилар номзодини кўриб чиқмоқда. Тел бўйича «МЮ», «Челси», «Арсенал» ва «Астон Вилла» Мюнхен клуби ҳамда футболчининг агенти билан алоқада бўлиб турибди.

Маълумот учун, Тел жорий мавсум Мюнхен клуби сафида Бундеслигада 8, ЕЧЛда эса 3та ўйинда майдонга тушган.