«Рома» бош мураббийи Клаудио Раниери Европа Лигаси 8-туридан ўрин олган «Айнтрахт»га (2:0) қарши ўйиндан сўнг Элдор Шомуродовнинг клубдаги келажагига ойдинлик киритди. 

Ўзбекистонлик ҳужумчи беллашувда 67-дақиқада захирадан майдонга тушиб, 69-дақиқада гол урди ва жамоасининг плей-оффга чиқишига ҳисса қўшди. 

«Шомуродовга биз билан қолишини айтдим. Ҳамма Элдорни яхши кўради, мухлислар уни ёқтиришади, чунки у доимо борини беради. 

Мен эса ундан доимо ғазабланаман. Шунинг учун унга: «Агар кетсанг, кимга жаҳл қиламан?» деб айтдим», — дея италиялик мутахассиснинг сўзларини келтиради Roma Press.

Аввалроқ 29 ёшли Шомуродов ижара асосида «Венеция»га ўтиши мумкинлиги хабар қилинганди.