«Реал» бош мураббийи Карло Анчелотти ЕЧЛ 8-туридан ўрин олган «Брест»га (3:0) қарши ўйиндан сўнг ўз фикрлари билан ўртоқлашди. 

Мадрид клуби лига босқичини 11-ўринда якунлади ва 1/16 финалда «Манчестер Сити» ёки «Селтик» билан ўйнайдиган бўлди. 

«Янги формат? Жуда кўп ўйинлар ўтказилди. Ўйинлар қўшмай, уларни қисқартиришимиз керак. 

«Манчестер Сити» билан эҳтимолий ўйин? Олдинда қуръа бор, нима бўлишини кўрамиз. Чемпионлар Лигасини ютиш учун ҳар бир ўйинда ғалаба қозонишингиз керак. 

Бугун янада самарали ўйнадик, ҳимояда яхши ҳаракат қилдик. Бу жамоа учун яхши лаҳзалардир ва худди шу руҳда давом этишимиз керак.

Родригонинг дубли? У бошқалар каби яхши. У кўплаб голлар уради, ҳужумда катта имкониятларга эгамиз. Жамоа ажойиб футбол намойиш этмоқда. 

Ротация? Биз таркибга ўзгартиришлар киритамиз, чунки ютуқларга ҳамма ҳисса қўшади. Жамоанинг кучли томонларидан фойдаланишимиз керак, бу жуда яхши. 

Модричга бўлган олқишлар? Бу — ажойиб карьерага эга футболчини ҳурмат қилиш белгиси», — дея италиялик мутахассиснинг сўзларини келтиради Marca.