Марокаш миллий жамоаси ўйинчиси Ҳаким Зиёш фаолиятини Қатар чемпионатида давом эттирадиган бўлди.

Бугун «Галатасарой» билан амалдаги келишувини расман бекор қилган Ҳаким Зиёш Туркиядан Қатарфга етиб бориб, «Дуҳайл» билан шартнома имзолади. У янги жамоасида 93-рақам остида тўп суради.

Аввалроқ, Туркия клуби ўзаро келишувга кўра 31 ёшли вингер билан шартнома бекор қилинганини эълон қилганди.

Марокашлик футболчи жорий мавсумда барча турнирларда 11 та ўйин ўтказиб, 1 та голга ассистентлик қилганди.

Маълумот учун, Ҳаким «Челси», «Аякс», «Твенте» ва «Херенвен» клубларида тўп сурган.