«Манчестер Юнайтед» устози Рубен Аморим ва жамоа ҳужумчиси Маркус Рэшфорд ўртасидаги муносабат ёмонлашган.

The Guardian хабарига кўра, «Манчестер Юнайтед» бош мураббийи Рэшфордга фақат бутун жамоа билан гаплашганда мурожаат қилмоқда, шахсан унинг ўзи билан гаплашмай қўйган. Мураббий ва ўйинчи ўртасидаги муносабат деярли бузилган. 

Эслатиб ўтамиз, Рэшфорд 12 декабрдан бери майдонга тушмаяпти. У бу давр ичида фақат бир марта «МЮ» қайдномасидан жой олди. 

Аввалроқ, португалиялик мутахассис англиялик футболчини машғулотларда тўлиқ куч билан ҳаракат қилмаётганини айтганди. Рэшфорд жамоани тарк этиши ҳақида хабарлар тарқалган бўлса-да, клуб бу борада аниқ таклиф олмаган.