Мартин Анселми «Порту»нинг янги бош мураббийи этиб тайинланди.

Аргентиналик ушбу мутахассис Витор Брунунинг ўрнига иш бошлади. 39 ёшли мураббий клуб билан 2027 йилгача шартнома имзолади.

Аввалроқ, Анселми Мексиканинг «Крус Асул» клубини бошқарганди.

Унинг энг катта ютуқлари «Индепендьенте дель Валье» клуби билан бўлган. У бу клубда қаторасига икки йил ҳар мавсумда 2 та совринга эга чиққанди. 2022 йилда у жамоаси билан Эквадор Кубоги ва Жанубий Америка Кубогини, 2023 йилда эса Эквадор Суперкубогини ва Жанубий Америка Суперкубогини қўлга киритган.

Португалия чемпионатининг 19-туридан кейин «Порту» 41 очко билан 3-ўринда бормоқда.