Килиан Мбаппе «Реал»даги биринчи ҳет-тригидан сўнг ўз фикрлари билан ўртоқлашди. 

Франциялик ҳужумчи Ла Лига 21-тури доирасидаги «Валядолид»га (3:0) қарши баҳсда жамоасига ғалаба келтирди. 

«Бу — ёқимли туйғу, жуда хурсандман. Лекин, энг аввало, ғалабадан мамнунман. «Атлетико»нинг очко йўқотиши фонда 3 очко олишимиз муҳим эди. Бу борада босимни ҳис қилдик. Бу имконият эди. 

Рақибга босим ўтказиб, ўйинни жуда яхши бошладик. Биринчи тўп жамоавий ҳаракат эвазига киритилди. Танаффусдан сўнг дастлабки 10 дақиқада яхшироқ ўйнашимиз мумкин эди, иккинчи голдан сўнг ҳаммаси яхши ўтди. 

Ҳозирги ўйинимиз бизга ишонч бағишлайди. Аммо кураш охиригача давом этади. Ўзимизга ишонч билан давом этамиз, аммо хотиржамликсиз. 

Ҳужумдаги уч позицияда ҳам ўйнай олишимни айтгандим. Мослашишга вақт кетди, аммо ҳозир мен исталган жойда, исталган позицияда ўйнай оламан. Менинг адаптациям тугади. Энди майдонда ҳаммаси ўз-ўзидан бўлади», — дея Мбаппенинг сўзларини келтиради AS.