Фелипе Мело фаолиятини якунлаганини эълон қилди.

41 ёшли таянч яримҳимоячисининг сўнгги клуби «Флуминенсе» бўлиб, у жамоа билан 2023 йилда Либертадорес Кубогини ютган. У ушбу турнирда «Палмейрас» билан ҳам икки бор ғолиб бўлган. 

Бразилиялик футболчи «Фиорентина», «Ювентус», «Интер», «Галатасарой» каби жамоалардаги ўйинлари билан танилган. У Бразилия миллий жамоаси учун 22 та ўйин ўтказиб, 2 та гол урган. 

Мело «Галатасарой»да икки марта Туркия чемпионига айланган ва мамлакат кубогини ҳам ютган. У 2009 йилда Бразилия сафида Конфередерациялар кубогини қўлга киритган.