«Ливерпул» билан ёзда шартномаси якунига етадиган Муҳаммад Салоҳ фаолиятини Саудия Арабистонида давом эттириши мумкин.

Инсайдер Никола Скиранинг ёзишича, Саудиянинг «Ал-Ҳилол» клуби ёзда «Ливерпул» билан келишуви ниҳоясига етадиган мисрлик ҳужумчига 2028 йилга қадар белгиланган шартнома таклиф қилишга тайёр.

Салоҳ мерсисайдликлар билан шартномасини узайтирмай, эркин агент сифатида жамоани тарк этса, «Ал-Ҳилол» уни жамоадаги энг кўп маош оладиган ўйинчига айлантирмоқчи.

Аввалроқ, Ар-Риёд клуби Неймар билан хайрлашмоқчи экани, бразилиялик ҳужумчи «Сантос»га қайтиши ҳақида хабарлар берилганди.