Кайл Уокер «Манчестер Сити»дан «Милан»га ўтишга яқин турибди.

Журналист ва инсайдер Фабрицио Романога кўра, 34 ёшли ҳимоячи пайшанба оқшомида «Милан» офисига келиб, шартномага қўл қўйган. Шу куни у янги жамоасида тиббий кўрикдан муваффақиятли ўтди.

Қайд этилишича, Италия клуби Уокернинг ўтиши ҳақида бугун расман эълон қилиши кутилмоқда. 

«Милан» англиялик ҳимоячини «Ман Сити»дан 5 миллион еврога сотиб олиш шарти билан мавсум якунига қадар ижарага олади.