«Манчестер Юнайтед» бош мураббийи Рубен Аморим Европа Лигаси 7-туридан ўрин олган «Рейнжерс»га (2:1) қарши ўйиндан сўнг ўз фикрлари билан ўртоқлашди  

«Тўп билан яхши ўйнадик. Ўйинни яхши бошладик, кейин баъзи ёмон қарорлар туфайли назоратни йўқотдик, аммо йигитларга қойил. Биз иккинчи голга жуда яқин эдик, кўп вазиятлар бўлди.

Идеал ўйнамадик, аммо яқиндаги мағлубиятдан кейин («Брайтон», 1:3) қайта олдик. Футболчилар ўртасидаги боғлиқликни кўришингиз мумкин. Ўйлайманки, биз совуққон бўлишимиз керак.

Де Лигт оёғида ноқулайлик ҳис қилди, шу сабаб уни алмаштирдик — ҳеч нарсани хавф остига қўя олмаймиз. Йорода ҳам шундай. Ғалаба керак, аммо шу билан бирга футболчиларни ҳимоя қилишимиз керак. 

Еврокубокларда ҳамма нарса бутунлай бошқача эканлигини кўришингиз мумкин. Англия Премер-лигасида де Лигтнинг бекор қилинган голи қоидабузарлик деб ҳисобланмасди», — дея португалиялик мутахассиснинг сўзларини келтиради BBC.